Նորություններ

Մարսի վրա 1,8 կմ խորությամբ սառցե խառնարան է հայտնաբերվել

Մարսի վրա 1,8 կմ խորությամբ սառցե խառնարան է հայտնաբերվել

21.12.2018

Մարս մոլորակի վրա 1,8 կմ խորությամբ սառցե խառնարան է հայտնաբերվել:

Լուսանկարն արվել է Եվրոպական տիեզերական գործակալության Mars Express մարսագնացի կողմից: Խառնարանի վրա սառը օդի կուտակման շնորհիվ սառույցը երբեք չի հալչում:

Խառնարանը ստացել է Կորոլյով անունը՝ ի պատիվ Սերգեյ Կորոլյովի՝ հրթիռատիեզերական համակարգերի կոնստրուկտորի, որը համարվում է Խորհրդային Միության հրթիռաշինության հայրը:

Եվրոպական տիեզերական գործակալության Mars Express առաքելությունն այս տարի նշում է իր 15-ամյակը: Մարսագնացը տիեզերք է ուղարկվել 2003թ.-ի հունվարին և «Կարմիր մոլորակի» վրա վայրէջք կատարել նույն թվականի դեկտեմբերի 25-ին:

Մինչ Mars Express-ը հետազոտում է մոլորակը, Օդագնացության և տիեզերական տարածության հետազոտությունների ազգային գործակալության (ՆԱՍԱ)`նոյեմբերի վերջին Մարսի վրա վայրէջք կատարած InSight մարսագնացն արդեն հասցրել է մոլորակի մակերևույթին տեղադրել առաջին սեյսմոմետրը, որը թույլ կտա գիտնականներին հասկանալ, թե ինչ է կատարվում մոլորակի մակերևույթից ներքև և ուսումնասիրել սեյսմիկ ալիքները՝ «մարսաշարժները»:

 

Comments are closed.