Նորություններ
Սթիվեն Հոքինգ.«Մարդկությանը չի հաջողվի երկրի վրա ապրել ևս 1000 տարի»
17.11.2016
Աշխարհահռչակ ֆիզիկոս Սթիվեն Հոքինգը, որը զբաղվում է տիեզերքի և կյանքի ծագման գաղտնիքների ուսումնասիրությամբ, հանդես է եկել ուշագրավ հայտարարությամբ՝ նշելով, որ մարդկությանը չի հաջողվի Երկրի վրա ապրել ևս 1
000 տարի: Բրիտանացին ասել է, որ մարդկության գոյությունը հետագա հազարամյակի ընթացքում վտանգված է տարերային աղետների, միջուկային պատերազմի, արհեստածին վարակների, ինչպես նաև արհեստական ինտելեկտի օրեցօր ահագնացող սպառնալիքների պատճառով: Ուստի՝ Հոքինգը կոչ է արել մարդկանց ավելի շատ ուսումնասիրել տիեզերքով ճամփորդելու հեռանկարը, քանի որ, ըստ նրա, մարդկությունը կարող է փրկություն գտնել միայն մեկ այլ մոլորակ տեղափոխվելու դեպքում:
