Նորություններ

Չինաստանում ինքնատիպ «հորիզոնական երկնաքեր» են կառուցում

Չինաստանում ինքնատիպ «հորիզոնական երկնաքեր» են կառուցում

28.02.2019

Չինաստանում կառուցվող նորարարական ճարտարապետական Raffles City Chongqing անունը կրող նախագծի կյանքի կոչումը, որն ստացել է անվանումը, մոտենում է ավարտին:

Ինչպես ներկայացնում է CNN-ը, Չունցին քաղաքում կառուցվող համալիրը զբաղեցնում է 1.12 մլն քառ. մետր տարածք, կազմված է 8 աշտարակից և դրանք միավորող հսկայական կամրջից, որն անվանում են «հորիզոնական երկնաքեր»:

 Յուրահատուկ երկնային կամուրջը լինելու է ամենաբարձրներից մեկը ողջ աշխարհում: Այն համալրված կլինի պատկերասրահով, այգիներով, լողավազանով և մի շարք ռեստորաններով:

Համալիրի տարածքում կկառուցվի 230 000 քառ. մետր տարածք զբաղեցնող առևտրի կենտրոն, 1400 բնակարան, շքեղ հյուրանոց, 160 000 քառ. մետր տարածք էլ կհատկացվի գրասենյակներին:

Ֆուտուրիստական համալիրի շահագործումը կլինի  այս տարի: Այն տեղակայված է Չունցին քաղաքի կենտրոնական հատվածում, որտեղից տեսարան է բացվում դեպի Յանցզի և Ցզյալին գետերի հատման վայրը: Ինչպես նշվում է, կառույցի դիզայնը ստեղծելիս ճարտարապետները ոգեշնչվել են առագաստանավերի տեսքով՝ նկատի ունենալով քաղաքի անցյալը՝ որպես առևտրային կենտրոնի:

Comments are closed.