Նորություններ
Բրիտանացի գիտնականները «բարդ հույզեր» կրկնօրինակող նոր կենդանու են բացահայտել
22.03.2019
Մալայական արջերը (Helarctos malayanus) կարողանում են ճանաչել և նույնությամբ կրկնօրինակել մարդկանց կամ իրենց ցեղակիցների դեմքի հույզերը՝ փոխելով իրենց մռութի արտահայտությունը: Այս մասին գրում է РИА Новости-ն՝ մեջբերելով գիտական աղբյուրում հրապարակված հետազոտության արդյունքները: Արջերի այս տեսակը հազվադեպ հանդիպող ծուռթաթների որ գերազանցում է մի շարք այլ <<խելացի>>`զիջելով միայն գորիլաներին և մարդկանց:
Ուլու Սեգամա ազգային պարկում հանդիպող այս արջերը հանդիպելով միմյանց խաղից բացի սկսում են կրկնօրինակել միմյանց <<դիմախաղը>>:
«Դիմախաղը շփման մարդկային ունակության գլխավոր «սյուներից» մեկն է: Այդ կարողությունն առաջ համարվում էր մարդկանց և բարձրագույն կապիկների եզակի գիծը: Զարմանալիորեն մալայական արջերը, բնավ, սոցիալական կենդանիներ չեն և շատ հեռու են մեզանից էվոլյուցիայի տեսանկյունից: Դա խոսում է այն մասին, որ դիմախաղ կարող են ունենալ նաև կաթնասունների այլ տեսակներ»,- այս մասին հայտարարել է Պորտսմութի համալսարանի մասնագետը:
Վերջին տարիներին գիտնականներն ավելի ու ավելի շատ վկայություններ են բացահայտում այն մասին, որ մարդկանց հատուկ բանականության գծերը և բարդ հույզեր ցույց տալու հատկությունը բնորոշ են նաև այլ կենդանիներին, այդ թվում՝ շներին, կապիկներին և անգամ ագռավներին:
