Նորություններ

Աշխարհի 6 ամենատպավորիչ անձեռակերտ կամուրջները:

Աշխարհի 6 ամենատպավորիչ անձեռակերտ կամուրջները:

31.10.2019

«Պոն դ’Արկ», Ֆրանսիա

Ֆրանսիական Արդեշ գավառում գտնվող «Պոն դ’Արկ» քարանձավը և այնտեղ գտնվող անձեռակերտ կամուրջը զբոսաշրջիկների ամենասիրելի վայրերից են: Այն ձևավորվել է ավելի քան 400 000 տարի առաջ, ունի մոտ 55 մետր բարձրություն և գտնվում է Փարիզ քաղաքից 520 կմ հարավ: Անձեռակերտ կամուրջը ներառվել է ՅՈՒՆԵՍԿՕ-ի համաշխարհային ժառանգության ցանկում:

Էյրս կամուրջ (Ayres Natural Bridge), Վայոմինգ նահանգ, Միացյալ Նահանգներ

Այս բնական կամուրջն ունի 15 մետր բարձրություն: Կամուրջը գտնվում է Օրեգոն պատմական մայրուղու մոտակայքում:

 

Օուաչոմո կամուրջ (Owachomo), Յուտա, Միացյալ Նահանգներ

Անձեռակերտ կամուրջների ազգային արգելոցում գտնվող կամուրջը երեք կամուրջներից ամենանեղն ու ամենափոքրն է: Կամրջի անունը բնիկ ամերիկյան Հոպի (Hopi) ցեղի լեզվով նշանակում է «ապառաժե բլուր»: Ըստ հաղորդման՝ Օուաչոմո կամուրջը մագլցելը բավականին դյուրին է. այն աշխարհում ամենաշատ լուսանկարված կամուրջներից մեկն է:

Ալոբայի կամար (Aloba Arch), Չադի Հանրապետություն

Կամուրջը գտնվում է Չադի Հանրապետության «Էնեդի բնական և մշակութային արգելոցում», որը նաև հայտնի է «Սահարայի դրախտ» անունով: Այն արգելոցում բազմաթիվ կամարներից մեկն է, որոնք ձևավորվել են միլիոնավոր տարիներ տևած երկրաբանական գործընթացների արդյունքում:

Վադի Ռամ կամ Լուսնի հովիտ

Լուսնի հովիտը գտնվում է Հորդանանում՝ նավահանգստային Ակաբա քաղաքից 60 կմ հեռավորության վրա: Վադի Ռամ անապատում բազմաթիվ անձեռակերտ կամուրջներ կան, սակայն դրանցից ամենահայտնիները «Փոքրիկ կամուրջ», «Ում Ֆրութ» և «Բուրդա» կամուրջներն են: Երկրաբանական գործընթացների արդյունքում ձևավորված կամուրջները կարմիր երանգ են ստացել երկաթի օքսիդի հետևանքով: Վադի Ռամ անապատում են նկարահանվել այնպիսի ֆիլեր, ինչպիսիք են «Լոուրենս Արաբացին», «Փոխակերպվողները», «Կարմիր մոլորակը», «Վերջին օրերը Մարսում», «Մարսեցին» և այլն:

Լուսնի բլուր, Չինաստան

Չինաստանում գտնվող կամրջի ընդհանուր բարձրությունը 230 մետր է: Կամարը ձևավորվել է այն ժամանակ, երբ բլուրի տակ գտնվող կրաքարային քարանձավը ժամանակի ընթացքում ջրի և քամու ազդեցությունների հետևանքով քայքայվել է:

 

Comments are closed.