Նորություններ
Ամբողջ աշխարհից ավելի քան 30 թանգարաններ կազմակերպել են Ֆրիդա Կալոյի առցանց ցուցադրությունը
24.03.2020
Աշխարհի 33 հայտնի թանգարան միավորվել և Google Arts & Culture պլատֆորմում կազմակերպել են հայտնի մեքսիկացի նկարչուհի Ֆրիդա Կալոյի վիրտուալ ցուցահանդեսը։ «Faces of Frida» անվանումով ցուցադրությունը միավորել է նրա և այլ նկարիչների, որոնք պատկերել են հենց Ֆրիդային, ավելի քան 200 աշխատանք։
Ցուցադրության կազմակերպիչներն առաջարկում են ուշադիր դիտել յուրաքանչյուր կտավ, նայել ամեն մանրուք և փորձել որսալ իմաստը։ Առանձնահատուկ ուշադրություն է դարձված դիմանկարների և նատյուրմորտների «հարուստ սիմվոլիզմին», որոնք ստեղծվել են 1951-1954 թվականներին։
Ցուցադրությունում ներկայացված է նաև Ֆրիդա Կալոյի նամակը, նրա հարցազրույցներից մեջբերումներ, ելույթներ, օրագիրներ։
Այս տպավորիչ՝ իր բազմակողմանիությամբ և բազմիմաստությամբ ցուցադրության ստեղծման վրա աշխատել են Մեքսիկայի, ԱՄՆ-ի, Մեծ Բրիտանիայի, Կոլումբիայի և Ճապոնիայի հիմնական թանգարաններն ու արխիվները։
Մեքսիկացի նկարչուհի Ֆրիդա Կալոն (1907- 1954 թթ.) առավել հայտնի է իր բազմաթիվ դիմապատկերներով, ինքնապատկերներով և Մեքսիկայի բնությամբ, արտեֆակտներով (գտածո) ոգեշնչված աշխատանքներով: Երկրի ժողովրդական մշակույթով ոգեշնչված` նա աշխատել է նաև ժողովրդական արվեստի ոճով Մեքսիկայում հասարակության ինքնության, գենդերի, դասակարգերի և ռասայի հարցերը ուսումնասիրելու համար: Նրա նկարները հաճախ ունեցել են խիստ ինքնակենսագրական տարրեր և ռեալիզմը ֆանտազիային միաձուլումներ: Ֆրիդա Կալոյի գեղարվեստական ոճը երբեմն նկարագրում են ինչպես պարզամիտ կամ ժողովրդական արվեստ: Սյուրռեալիզմի հիմնադիրներից Անդրե Բրետոնը նրան դասել է սյուրռեալիստների շարքին:
