Նորություններ

«Միջազգային հեղինակավոր World Press Photo մրցույթի կազմակերպիչները  հաղթող են ճանաչել հայ աղջկա լուսանկարը

«Միջազգային հեղինակավոր World Press Photo մրցույթի կազմակերպիչները հաղթող են ճանաչել հայ աղջկա լուսանկարը

23.04.2020

Լուսանկարի հերոսուհին՝ լեհական Պոդկովա-Լեսնա քաղաքի փախստականների ընդունման կենտրոնում անվասայլակին նստած 15-ամյա հայուհի Եվան է։ Միջազգային հեղինակավոր World Press Photo մրցույթի կազմակերպիչները 2019թ-ի «Դիմանկարներ» անվանակարգում հաղթող են ճանաչել հայ աղջկա լուսանկարը։

Եվան հարկադիր վերաբնակեցման համախտանիշի (Resignation Syndrome) հետևանքով ստեղծված կատատոնիկ վիճակում է գտնվում։ Այս հոգեվիճակն առաջանում է փախստական երեխաների շրջանում հոգեբանական տրավմայի ենթարկվելու ժամանակ, որի հետևանքով վերջիններս չեն կարողանում շարժվել, խոսել, ուտել կամ խմել, անհաղորդ են արտաքին ազդակներին։ Նրանց «վերադարձը կյանք» տեղի է ունենում ամիսների ընթացքում՝ կենսապայմանների բարելավմանը զուգընթաց։

Աղջկա մոտ առաջին ախտանշանները սկսվել են ընտանիքի հետ միասին փախստականի կարգավիճակով Շվեդիա տեղափոխվելուց հետո: Աղջիկը սկսել է վերականգնվել Լեհաստան արտաքսվելուց հետո:
Լուսանկարի հեղինակը լեհ լուսանկարիչ Թոմեք Կաչորն է։

Comments are closed.