Նորություններ

Սան Լուկաս կղզու նախկին բանտը վերածվել է զբոսաշրջային վայրի

Սան Լուկաս կղզու նախկին բանտը վերածվել է զբոսաշրջային վայրի

12.10.2020

Կոստա Ռիկայի Սան Լուկաս կղզում գտնվող երբեմնի մռայլ բանտն այժմ վերածվել է զբոսաշրջային դրախտավայրի՝ իր բնական այգիներով և գեղեցիկ լողափերով:

Մինչ այժմ Սան Լուկաս կղզին հայտնի էր 1873-1991 թթ. գործող բանտով: Սկզբնական շրջանում այն օգտագործվում էր քաղբանտարկյալների համար, այնուհետև դառնալով բարձր անվտանգություն ունեցող կառույց՝ այնտեղ էին պահվում երկրի ամենավտանգավոր հանցագործները:

Բանտարկյալները հաճախ իրենց բանտախցերի պատերին ստեղծում էին գրաֆիտի պատկերներ: Նրանցից մեկն էլ այդկերպ ներկայացրել էր իր սերը ֆուտբոլի հանդեպ՝ նկարելով բրազիլական դեղին մարզաշապիկով ֆուտբոլիստի:

Այժմ Սան Լուկասի նախկին բանտը վերածվել է զբոսաշրջային վայրի, որտեղ արշավականները կարող են բացահայտել կղզու գեղեցիկ բուսական և կենդանական աշխարհը: Չնայած համավարակով պայմանավորված սահմանափակումներին՝ օգոստոս ամսին կղզին ունեցել է 920 այցելու, որոնք հիմնականում Կոստա Ռիկայի բնակիչներն էին:

Comments are closed.