Նորություններ

Անվանի գեղանկարիչներ Գառզուի և Ժանսեմի աշխատանքները՝ մեկ ցուցադրությամբ

Անվանի գեղանկարիչներ Գառզուի և Ժանսեմի աշխատանքները՝ մեկ ցուցադրությամբ

07.10.2021

Հոկտեմբերի 17-24-ը «Առնո Բաբաջանյան» համերգասրահի վերաբացված ճեմասրահներում կանցկացվի «Հայաստան-Ֆրանսիա. մշակութային երկխոսություն» խորագրով ցուցահանդեսը:

Արվեստասերներին կներկայացվեն համաշխարհային ճանաչում ունեցող ֆրանսահայ անվանի գեղանկարիչներ Գառզուի (Գառնիկ Զուլումյան) և Ժանսեմի (Հովհաննես Սեմերջյան) գրաֆիկական աշխատանքները:

Ցուցադրության պաշտոնական բացումը կկայանա հոկտեմբերի 17-ին: Ցուցահանդեսի բացումը կուղեկցվի «Կադանս» անսամբլի ելույթով: Կհնչեն Շառլ Ազնավուրի, Ժորժ Գարվարենցի, Միշել Լեգրանի, Արամ Խաչատրյանի, Առնո Բաբաջանյանի, Ռիչարդ Գալիանոյի, Աստոր Պիացոլայի և այլ կոմպոզիտորների ստեղծագործություններ:

Նախագիծն իրականացվում է ՀՀ ԿԳՄՍ նախարարության, Հայաստանում Ֆրանսիայի դեսպանության և Երևանի ժամանակակից արվեստի թանգարանի համագործակցությամբ:

Comments are closed.