Նորություններ

Փարաջանովի ստեղծագործությունները կցուցադրվեն Ֆրանսիայում

2022 թվականի մարտի 22-ին Սերգեյ Փարաջանովի թանգարանը Ֆրանսիայի Մոն դե Մարսան քաղաքում կբացի ժամանակավոր ցուցահանդես, որը կգործի մինչև հունիսի 19-ը:

Ցուցադրությունը կիրականացվի Մոն դե Մարսանում անցկացվող «Երազ» փառատոնի շրջանակում:

Կցուցադրվեն Փարաջանովի ստեղծագործությունները, իսկ  թանգարանի տնօրեն Անահիտ Միքայելյանը Փարաջանովի «Բանտային» կամ «Էսքիզներ» թեմաներով կներկայացնի զեկուցում: Բացի այդ,  Մոնակոյում՝ Մոնտե Կառլոյում «Հայկական երաժշտության օրերի» շրջանակում կբացվի Փարաջանովի ստեղծագործությունների ցուցահանդես: Թանգարանը փարաջանովյան ստեղծագործությունների լուսանկարները տրամադրել է կազմակերպիչներին, որոնք էլ կտպեն այն և կցուցադրեն թվային ձևաչափով: