Նորություններ

Անքնությունը հաղթահարելու կարևոր խորհուրդներ

Անքնությունը շատերին անհանգստացնող բացասական երևույթ է, որի հետևանքով ունենում ենք թուլություն, հոգնածություն, ուժերի անկման և ինքնազգացողության վատացում։

Չկանխելու դեպքում կարող են լինել վտանգավոր հետևանքներ։ Մասնագետները խորհուրդ են տալիս նախ բնական միջոցներով պայքարել անքնության դեմ։

Տաք կաթը պարունակում է մելատոնին հորմոն ու տրիպտոֆան ամինաթթու, որոնք կապված են քնի ու հանգստության հետ, սակայն մի բաժակ կաթի մեջ պարունակվող տրիպտոֆանի քանակությունը չափազանց փոքր է քնաբեր ազդեցություն ունենալու համար։ Այնուամենայնիվ, տաք կաթը հաճելի զգացողություններ է առաջացնում՝ օգնելով հանգստանալ ու բարելավելով քնի որակը։

Երիցուկով թեյը դարեր շարունակ օգտագործվել է որպես արդյունավետ հանգստացնող միջոց։ Այն օգնում է նվազեցնել մկանային լարվածությունը, բարելավում է մարսողությունն ու ազատում է տագնապի զգացումի։ Լավ արդյունքի համար կարելի է մի բաժակ թուրմի պատրաստման համար թեյի երկու կամ երեք փաթեթ օգտագործել, այն խմել ընթրիքից հետո, այլ ոչ թե քնելուց առաջ։

Նարդոսի յուղով լոգանքը կարող է հանգստացնել մարմինն ու մտքերը՝ օգնելով հեշտությամբ քուն մտնել։ Քնելուց առաջ նարդոսի բույրը շնչելն օգնում է բարելավել գիշերային քունն ու մեծացնել ցերեկային էներգիան։ Այն բարելավում է քնի որակը։

Մեդիտացիաները քնի խանգարումների դեպքում անչափ արդյունավետ կարող են լինել․ քնից առնվազն կես ժամ առաջ անջատել բոլոր գաջեթներն ու մեդիտացիա անել՝ կենտրոնանալով հանգիստ երաժշտության ու խորը շնչառության վրա։