Նորություններ

«Օլիմպիկոս» մուլտֆիլմը` Արցախում

«Արցախն ապրում է» մշակութային փառատոնի շրջանակում Արցախում առաջին անգամ էկրան բարձրացավ Դավիթ և Հայկ Սահակյանցների «Օլիմպիկոս» մուլտֆիլմը։ Այն պատմում է Մեծ Հայքի արքա Վարազդատ Արշակունու կյանքի ու հաղթանակների մասին։

Մուլտֆիլմը Երևանում առաջին անգամ ցուցադրվել է 2021թ. մայիսին:

Նախաձեռնության հեղինակը Genesis Armenia-ն է՝ նպատակ ունենալով հիշեցնել մեր պատմության հաղթական դրվագների մասին։

Ռեժիսորը պատմեց ֆիմի ստեղծման՝ 5-6 տարվա ստեղծագործական ընթացքի, դժվարությունների, տեխնիկական բարձրակարգ լուծումների ու հնարքների մասին։ Իսկ երիտասարդ հանդիսատեսը դահլիճից դուրս եկավ հավատով, որ հայոց արքայի հաղթանակների մասին պատմող ֆիլմը ոչ հեռու ապագայում կցուցադրվի նաև Շուշիում։