Նորություններ

Նոր երգ՝ «Լուսի հատիկ»

Երաժշտասերներին ծանոթ ստամբուլահայ երգչուհի Սիպիլը և երկար տարիներ Սև ծովի արևելյան շրջանների երաժշտությունն ուսումնասիրող համշենցի երգչուհի Այշենուր Քոլիվարը ներկայացել են «Լուսի հատիկ» երգով։

երաժշտության հեղինակն ու գործիքավորողը Արի Հերկելն է, իսկ երգի արևմտահայերեն խոսքերը գրել է լիբանանահայ բանաստեղծ Աշոտ Բագրատունին։ Համշենի բարբառով խոսքերը գրառել է համշենցի մտավորական Մահիր Օզքանը։

Երգի տեսահոլովակը պատրաստվել է Օզքան Աքսուլարի ղեկավարությամբ։

Արևմտահայերենով ու Համշենի բարբառով «Լուսի հատիկ» երգը մարդկությանն ուղղված բարության կոչ է։

Երգն ունի համապատասխան անգլերեն, արևելահայերեն և թուրքերեն թարգմանված ենթագրեր, ինչպես նաև տեսահոլովակ ու ժեսթերի լեզվով թարգմանություն։