Նորություններ
Մրցույթ՝ Աթենքի Պանթեոնի հասարակական և քաղաքական գիտությունների համալսարանում սովորելու համար
20.12.2024
Էրազմուս+ կրեդիտային շարժունության ծրագրի շրջանակում ՀՊՄՀ-ն հայտարարում է մրցույթ Աթենքի Պանթեոնի հասարակական և քաղաքական գիտությունների համալսարանում բակալավրիատի, մագիստրատուրայի կրթական ծրագրով սովորելու նպատակով: Շարժունության տևողությունը 3 ամիս է: Տեղերի քանակը 2-ն է: Շարժունությունը նախատեսվում է 2024-2025 ուստարվա 2-րդ կիսամյակում (մարտի 17-ից հունիսի 16-ը)։
Ֆինանսավորում.
Ֆինանսավորումը կատարվում է ըստ Էրազմուս+ կրեդիտային շարժունության ծրագրի պայմանների: Մասնակցին տրամադրվում է ամսական 850 եվրո դրամաշնորհ, ինչպես նաև 275 եվրո ճանապարհածախսը հոգալու համար:
Իրավասության չափանիշները
Դիմողը պետք է լինի`
- Կրթության հոգեբանության և սոցիոլոգիայի ֆակուլտետի «Հոգեբանություն» մասնագիտության բակալավրիատ 2-րդ, 3-րդ կամ մագիստրատուրա 1-ին կուրսի առկա համակարգի ուսանող
- տիրապետի անգլերեն լեզվին՝ Լեզուների եվրոպական շրջանակի B2* մակարդակին համապատասխան։
Մրցույթին մասնակցելու համար անհրաժեշտ է մինչև դեկտեմբերի 27-ը լրացնել դիմում անցնելով հետևյալ հղումով՝
Պահանջվող փաստաթղթեր՝
- Տեղեկանք համալսարանից առաջադիմության վերաբերյալ
- Անձնագրի պատճենը
- Մոտիվացիոն նամակ՝ անգլերեն լեզվով
Մրցույթը հաղթահարած ուսանողի վերաբերյալ ամբողջական տեղեկատվությունը ուղարկվում է ընդունող համալսարան: Վերջնական ընտրությունը կատարելու է ընդունող համալսարանը:
Լրացուցիչ տեղեկությունների համար կարող եք գրել gohar.arakelyan@aspu.am էլեկտրոնային հասցեին։
*B2 — այս մակարդակում կարող եք հասկանալ որոշակի և աբստրակտ թեմաներ՝ ներառյալ ձեր մասնագիտական ոլորտին վերաբերող տեխնիկական տեքստեր: Կարող եք հեշտությամբ հաղորդակցվել տվյալ լեզուն կրողների հետ: Կարող եք հստակ և մանրակրկիտ արտահայտել Ձեր միտքը լայն թեմաների շուրջ և ներկայացնել ձեր տեսակետը որոշակի թեմայի առավելությունների և թերությունների մասին:
